Collectar la memòria deu país - Societat

• 00:16:03
• Episòdi 17

Collectar qu’ei preservar la memòria deu país e deu monde. Lo collectagte qu’ei la cuelhuda, auprès deus ancians, de la lor istòria, de la vita d’autes còps, dab musicas, danças, utís, e solide, la luenga en tota la soa diversitat.

Entà amassar aqueths testimònis deu noste patrimòni, collectaires que corren los parçans e que valorizan los enregistraments dab la mira de'n har estudis antropologics o transmission. Uei los collectatges que son ressorças shens prètz taus aprenents e taus curiós qui tornan apréner l'occitan, las musicas e las danças tradicionaus.

Théo qu’ei anat collectar los collectaires : Yvan Bareyre de Baish-Ador, Jean-Marie Caunet de l'IEO Lemosin, Nicolas Granier de La Biaça, e Martial Peyrouny, un professor qui intègra los collectatges a la soa pedagogia.

Site internet de La biaça : la-biaca.org