Qui sias - Arabòc 2023 - 11'bouge

• 00:05:56
• 25/07/2023

Lo projècte "Arab'òc" nasquèt en 2018 a l'iniciativa de l'associacion "11'bouge" de Carcassona.
Coneissent lo trabalh del grop Du Bartàs sus de creacion contemporanèa en Occitan amb las influéncias de las musicas del Magrèb per la preséncia del musician Abdel Bouzbiba, Frank Tanneau director de l'associacion a agut l'idèa de nos far intervenir dins 2 escòlas de Carcassona : l'una al quartièr del Viguièr amb una fòrta mixitat culturala deguda a la preséncia de nombroses mainatges eissits de l'immigracion, en particular del Magrèb, e l'autre o los mainatges aprenon l'occitan : la Calendreta.
Lo projècte s'es lèu agrandit sus 5 classas amb las 2 escòlas del quartièr del Viguièr : Jules Ferry e Marcèu Panhòl. Puèi los 2 Calendretas de Carcassona, Pech Mary e Barbacana, aital coma l'escòla publica bilingua occitan Marcelin Berthelot (escolans de CM1 e CM2).
Aquel projècte a per objectiu d'aprene als mainatges una cançon escricha especialament per eles en Arab e en Occitan. La cançon es escricha, compausada e adobada en amont per Abdel Bouzbiba e Jocelyn Papon.
Intervenèm sus 5 sessions d'una ora trenta dins caduna de las classas. Aprenon las paraulas, las melodias, puèi qualques nocions de ritme e descobrisson d'instruments de musica tipicas de las doas culturas.
Pendent aqueles talhièrs, un videaste es present per tal de filmar per la preparacion d'un clip.
Amassam puèi las 5 classas (120 escolans mai o mens) pendent una jornada per que s'encontren puèi desfilen per pichons grops davant los micros gràcias a l'installacion d'un estúdio mobil per enregistrar la cançon qu'an apresa.
Lo rdv final se debana pendent la fèsta de quartièr del Viguièr a la mi junh o son convidats a cantar la cançon Arab'òc sus l'empont amb nosautres davant familha, amics e public venguts nombroses per l'escasença.
Entre sortir d'aquel projècte annal, lo clip video es montat amb la cançon enregistrada en estúdio, los imatges dels talhièrs, del rencontre e del concèrt e difusadas sus internet per la posteritat e coma rebrembar pels pichons e los grands.
L'interès d'aquel projècte es per nosautres coma pels mainatges, d'aprene a s'obrir a la diversitat culturala en partissent de la cultura qu'es jos nòstres pès.
Anar al rencontre dels autres, de lors lengas, de lors diferéncias. Respectar los autres, respectar las diferéncias, aprene a se conéisser sens s'oblidar se quitament participi segon nosautres a la tolerància e a la vitalitat de nòstras culturas minorizadas. E lo tot per l'exemple, amb çò que nos sèm, çò que fasèm Abdel e ieu e tot aquò sens discors, sens morala, en o fasent tot simplament.

Jocelyn Papon